WELCOME TO MNF INPUI

We Tweet

MNF NI PAWIMAWH TE

Our mission and vision

Kan hmachhawp Policy and Programmes-ah hian Zoram hmathlir leh hmasawnna rahbi ni tura ruahmanna (strategy) tam tak chhawpchhuah a ni a. Chung ruahmanna tam tak zingah chuan he kan ram enkawl, venhim leh humhalh te, leilung hausakna haichhuah leh hman tangkai te, rorelna dik leh langtlang sorkar siam te, ei leh bara intodelh tura Mizoram buatsaih te hi a tum bulpui a ni.

Economic

Ei leh bar intodelh, Thil siamna lam leh a siamsa hralhna lam hmalakna, mihring theihna tihpun leh technology lama kal chak, Mipui dinhmun dawm kan leh khawtlang nun nuam, Hmasawnna ruhrel siam leh ram pawn mithiam te koh luh.

Medical

Mizoram mipuite’n hriselna tha zawk kan neih theihna tan kawng thum hlawm lian tak – Invenna lam (Preventive) te, Tihdamna (Curative) bakah damdawi lam zirna tihchangtlun (Promotive) lamah nasa zawka hmalak a ni ang.

Social

Vantlang nun nuam leh ralmuanga siam, chhawmdawl ngai te tana ruahmanna, khawtlanga sualna leh pawi khawihna tih tlem leh nun dan tha leh mawi inzirtirna.

Sports & Youth Services

Infiamna tihmasawnna atan Sports Association leh Clubs hrang hrang te puihna hi tam zawk leh nasa zawka kalpui a ni. Sorkar zirna ina sport uar. Infiamna hi huam zau zawng leh sang zawnga kalpui a ni a. Sport lama tui kal sang thei lo te nasa taka dawmkan an ni. Mizo Infiamna hrang hrang tihlar leh chawisan a ni. Infiamna ruangam ruhrel lian tham nasa taka buatsaih a ni.

Education

Mizorama zirna siamtha turin MNEP (Mizoram New Education Policy) kalpui mek a ni a. Ngaihhlut tur dik tak inzirtir uar a ni. Kalphung tha lo laite zirchiana  siamthat zel a ni. Hna hmu thei tura zirna kalpui mek a ni. Zirna tana hmanraw tha leh changtlung a mamawh te hnenah pek a ni. Zirna pangai baka thiamthil zirna uar zawk kalpui a ni. Zirna in endik leh an that dan tehna siam a ni.

Animal Husbandry

Ranvulh leh sa thar chhuah tihpun, ran chi hrang hrang vulh lama tuimi te chhawmdawlna leh tanpuina tur ruahmanna siam a ni.

Sericulture

Pangang khawi lama tui mi te chu an mamawh hmanrua bakah maimaw pangang chaw chinna tanpuina pek an ni. District hrang hranga Sericulture Office te thuam that an ni. Silk pangang khawitute sum lakluh tisang turin chhawmdawlna siam a ni.

Industry

Industrial Policy tihlawhtling turin kawng hrang hranga hmalak a ni a.  Chungte chu: Agro-based Industry, Forest Based Industry, Paper Industry, Pharmaceutical Industry, Mines and mineral Industry, Tourism Industry, Sports Industry, ICT Industry,  Khawpuia rethei chengte eizawnna siamsak, Kuthnathawktu te Insurance scheme,  Oil/Gas Depot lian siam, thalaite hnathawhtur ngaihtuah pui, etc.

Afforestration

Mizoramah raw lian leh tha zawk ching tura hmalak mek a ni. Raw chi tha Brandisii leh rawmi chin mek a ni.