๐Œ๐€๐‘๐“๐€๐‘TE NI ๐•๐€๐–๐ˆ ๐Ÿ’3 ๐๐€

Mizo National Front
General Headquarters
Mizoram : Aizawl

Press Release

๐Œ๐€๐‘๐“๐€๐‘TE NI ๐•๐€๐–๐ˆ ๐Ÿ’3 ๐๐€

Martarte hi Party ta an ni lo, Mizo Hnam Martarte an ni – Pu Tawnluia, Dy CM & MNF Sr Vice President_

Vawiin ni ๐Ÿ๐ŸŽ.09.๐Ÿ๐ŸŽ๐Ÿ๐Ÿ Thawhlehni chawhma dar 11 khan Mizo Hnam Runah Martarte Ni Vawi 43-na hman a ni a. MNF Vice President Pu Lalthlengliana kaihhruai program pawimawh takah hian hnam pasaltha martarte sunna hun hmangin ngawi rengin minute khat chhung din a ni a, martarte hriatrengna pangpar dahna hun an hmang bawk.

Thusawitu ๐๐ฎ ๐“๐š๐ฐ๐ง๐ฅ๐ฎ๐ข๐š, ๐ƒ๐ฒ ๐‚M & ๐’๐ซ ๐•๐ข๐œ๐ž ๐๐ซ๐ž๐ฌ๐ข๐๐ž๐ง๐ญ chuan martarte hi party ta an ni lo a, Mizo hnam martarte an ni, a ti a. Martarte thlanmual tur ngaihtuahtu commiittee pawh NGO leh Kohhrante telna a nih thu sawiin, martarte thlanmual enkawl pawh Art & Culture Dept. kutah a awm tawh, a ti. Mizo hnam tana nun hlantute chu hmun hrang hrangah phum ni mah se, a theih chin chinah martar thlanmualah sawn an ni, a ti.

Pu Tawnluia chuan MNF-in independence a puan rualin hnam sipaite an chhuak tih sawiin, remna a awm hnuah Mizoram chu special provision neiin – India leh Mizoram leh MNF aiawhin hming sign a ni a. Interim sorkar lo awm tur pawh kha thutlukna awmsa vek a ni, a ti a. “MNF khan zalenna sual kha an peih tawh lo ni lovin – Kohhran, zirlai leh NGO te ngenna angin tihtawp a ni. Kan hnam sipaiten hlauhna an nei lo. Chawnghei an huam a, tawrh pawh an huam. Amaherawhchu, ram mipuite tlin tawk zelin kan kal zawk a ni,” a ti.

“Kan martarte hi Mizo hnam dinchhuahna tura nun hlantute an ni a. Mizo hnam hi tu ma tihbuai loh leh mahnia ro inrel a nih theih nan nun hlan an ni. Kan hnam meichher chhitute leh Mizo nationalism kengtute an ni a. Kan hnam martarte hi harsatna tinreng paltlanga nunna hial hlantute an ni a, kan chawimawi tur a ni a, anamhni zahna chibai kan buk tur a ni,” a ti.

MNF hi Mizo hnam party kan ni a, party dang dang nen khaikhin theih kan ni lo, Pu Tawna chuan a ti a. Ram leh hnam zalenna atan Pathian leh kan ram tan tiin kan Mizo hnahthlak zawng zawng inpumkhatna tura hmalatu leh nationalism kengtu kan ni. Kan martarte hi nationalism meichher chhi engtu an ni. Mizo hnam hian hnam zalenna kan neih theih nan hma lam panin kan kal zel dawn, tiin kalkhawmte chu hnam tana ke pen zel turin a sawm bawk a ni.

Martarte Ni programah hian ๐‘๐ž๐ฏ. ๐“๐ก๐š๐ง๐ ๐ฅ๐ข๐š๐ง๐ฌ๐š๐ง๐ ๐š, Dinthar, Aizawl chuan hunserh a hmang a. ๐๐ฎ ๐‘๐จ๐œ๐ก๐ฎ๐ง๐ ๐ง๐ฎ๐ง๐ ๐š, ๐†๐ž๐ง ๐’๐ž๐œ๐ฒ ๐ข/๐œ ๐Œ๐š๐ซ๐ญ๐š๐ซ ๐…๐š๐ฆ๐ข๐ฅ๐ฒ chuan independence movement chanchin te, martar day atan 20th September thlan chhuah a nih dan leh martar thlanmual buatsaih a nih dante a sawi a. Martar chhungte aiawh atangin thusawi ngaihthlak a ni bawk.

Sd/-
MALSAWMPUIA RALTE
Joint Secretary
Media & Publicity Dept.
Mizo National Front
Memo No. MNF/Media/03/2022/511
Dt. 20.09.2022

0