Changkang leh hmel mawi takin lang thin mah ila, hetiang hi kan hmel dik tak a ni tih i pawm ang u’ – Laltlanzova Khiangte Executive Councillor

Mizo National Front
General Headquarters
Mizoram : Aizawl

Press Release

‘Changkang leh hmel mawi takin lang thin mah ila, hetiang hi kan hmel dik tak a ni tih i pawm ang u’
– Laltlanzova Khiangte
Executive Councillor

Vawiin April 1, 2021 khan Save Chite Lui Committee-in Aizawl khawpui bawlhhlawhte Chite Lui chhunga a luanluh zel lohna tura Theihai Lui mawng, Chite kama a dawlna an siam chu an tlawh a. He hunah hian Pu Laltlanzova Khiangte, Executive Councillor, Solid Waste Management changtu chuan a enpui.

AMC Executive Councillor Pu Laltlanzova Khiangte chuan, “Changkang leh hmel mawi takin lang αΉ­hin mah ila, hetiang hi kan hmel dik tak a ni tih pawm ang u. Helaia bawlhhlawh tlingkhawm kan hmuh atang ringawt pawh hian bawlhhlawhte hi ina khawn mai a ngai tawh a ni tih a tilang chiang hle a ni. Chumi hlawhtling tur chuan mipui lam pawh kan αΉ­an ve hle a ngai dawn a. Aizawl khawpui faina tura theihtawp chhuah turin mipuite ka sawm a ni,” a ti.

“Aizawl khawpui Faina leh thianghlimna tur hian mimal, pawl, αΉ­hianho, Kohhran leh Local Council-te thawhhopui turin ka inhuam reng a ni. Faina kawnga ke pen inhuamte lo chhuak zel turin ka sawm duh a, Zofate khawpui Aizawl hmel a mawi a, a fai thianghlim theih nan min finchhuah zel turin ka sawm che u a ni,” Pu Tlanzova hian a ti bawk.

He hunah hian Save Chite Lui Committee chu Secretary Pu Rochamliana’n a hova, AMC lam aαΉ­angin Councillor-te, Pi Chuauzikpuii , Pu Vanlalneiha, Pu John Zosangaliana Ralte leh Pi Christina Roluahpuii Sailo leh AMC official aαΉ­angin Pu Lalmuanawma, Town Planner-ten an αΉ­awiawm.

(LALLIANZUALA FANAI)
Joint Secretary
Media & Publicity Dept.
Mizo National Front
Memo No.MNF/Media/02/2021/217
Dt.01.04.2021.