DR.R.LALTHANGLIANA’N HEALTH DEPARTMENT HMALAKNA A SAWI

    • Mizo National Front
      General Headquarters
      Mizoram : Aizawl

Press Release

DR.R.LALTHANGLIANA’N HEALTH DEPARTMENT HMALAKNA A SAWI

Kum 2023-ah Pathian leh mipui zarah MNF a sorkar leh dawn:
Dr.R.Lalthangliana

Dated, Aizawl, 24th January, 2020 (Thawhtanni): – Vawiin hian Mizo Hnam Run Chhung Inkhawm hun hnihnaah Dr.R.Lalthangliana, Health Minister chuan Covid chungchang sawiin, “Kum 2 dawn lai Covid kan buaipui ta a, sorkarna chelhtu tan pawh a hautak a, nikum hmasa January ni 30 khan Official-in Covid kan hria a, international border ngah tak kan ni a, ram pawn atanga lo lut tur India rama dang hmasa ber kan ni. Airport-ah checking nei hmasa ber niin, India rama lockdown nei hmasa ber kan ni bawk. Engemaw chen kan ziaawm hle laiin, nikum kum tawp lamah second wave a lo thleng a, Mizoram pawhin kan tuar nasa ve tan ta a ni. Kan nu leh pa, nupui pasal kan inchan ruih ruih a, kan inkhawm thei lo a, hna kan thawk thei lo a. Chutih rualin, Sorkar hnathawk leh thawk lo, Kohhran, NGO, Task Force hrang hrang te, media-te thlengin kan tanhona a tha a. Omicron kan tih pawh hi Mizoramah a awm lovin kan la hria a, a lo awm tawh mai thei bawk. Covid hian khawvel ram dang pawh a khawih buai nasa a, mi an thi ruih ruih a, keini pawhin kan tuar nasa ta a nih hi. Mahse, sokar angtein tan kan la zual zel dawn a, Kohhranho leh mimal tinte kan tawngtaina hi Lalpa’n a hria ang tih ka ring a, min chhan chhuak ngei ang. India ramah sample test-ah a titha ber kan ni a, 140% kan in-test tawh a, state dangah chuan 10% hnuai lamte an test a ni.

A tirah Aizawl Civil Hospital-ah ICU khum 5 chauh awm thin kha tunah chuan khum 15 a function ta a, naupang ICU neuh neuh nen chuan 50 aia tlemlo kan nei thuai dawn a ni. Covid avangin a za tel ZMC-ah admit an ngai a, ICU khum 15 chauh awm thin kha naupang ICU-te nen chuan khum 93 kan nei ta a ni. Lunglei leh Champhaiah pawh ICU kan nei tawh bawk a ni. Civil Hospital Aizawlah hian Niti Aayog lam atangin MRI nei thei turin hma kan la mek a, thla 5 hnuah chuan cheng nuai 600 atanga 700 inkar man kan nei thei bawk ang. Niti Aayog lam atang thovin kal lam leh cardiology lam tihchangtlun nan cheng vbc 10 chuang kan hmu dawn bawk a ni,” a ti.

Health Minister chuan, “Mizoramah positive atanga chhutin 0.38% kan boral a, thi zinga 80% hi natna khirhkhan cancer, zunthlum leh natna dang serious neite an ni a, covid hri an kai tawh chuan covid vanga boralah kan chhiar vek tho a ni. Thi tam ber hi kum 60 chung lam an ni a, nunna chhanchhuah leh humhim hi keini chuan kan tum ber a ni. Lungleiah RT-PCR khawl kan tifel ta a, ZMC-ah 4 kan nei sa a, Champhaiah pawh reiloteah kan nei leh thuai dawn a ni. Nimin piah maiah kan Chief Minister zahawm tak nen a hriatpuinaa hawngin Lengpuiah RT-PCR Van pawh a function thuai dawn a ni. Lungleiah hian RTPCR mai ni lo, natna dang dang atan pawha tangkai tur Laboratory changtlung tak kan nei thuai dawn a ni. Oxygen Plant pawh District zawng zawngah kan bun fel vek tawh a, a function deuh vek tawh a ni. Zemabawkah JAICA nen thawk dunin Cancer Super Speciallity Hospital cheng vbc 500 man din turin hma kan la mek a, India hmarchhakah chuan kan nei tha berin ka ring a ni. Zemabawka Cancer Hospital kan neih saah cancer hemna pawh a function tawh a. District tinah emergency-a admit-na turin Trauma Centre kan bun dawn a ni. Sub-Centre zawng zawng hi Health & Wellness-ah kan upgrade vek dawn a, 80% chu kan zo tawh a ni. Sub-Centre awm lohnaah kuminah hian Health Clinic dah vek kan tum bawk a ni. Primary Health Care hi kan ngai pawimawh a, Hospital, PHC leh Sub-Centre-te tihchangtlun nan cheng vbc 280 world bank project atangin state dang tih theih loh kan kalpui mek bawk a ni,” a ti.

“SEDP-a kan programme pawimawh tak pakhat chu Health Care hi a ni a. Kan sorkar kum khatna atangin kan kalpui tan a, chhungkaw khat tan cheng nuai hnih kan kalpui mek a, Covid vanga bill la theilo pawh an lak thuai theih nan hma kan la mek a ni. Covid hrileng karah SEDP pawh kan kalpui chho tan dawn mek ta a ni,” Health Minister chuan a ti.

MNF Adviser Dr.R.Lalthangliana chuan kum 2023 inthlanah MNF a sorkar leh ngei a beisei chhan thu sawiin, “LADC majority kan lak ngai lohna bial 25 awmah bial 20 ah MNF-in seat kan la a, VC-ah a tirah hneh taka kan tlin hnuin MNF sorkarna a pian belh zel a, tunah chuan 78% chuang Mizoram pumah sorkarna kan siam ta a, Local Council 83-ah 74 MNF-in kan la a, Sinlung Hills Council-ah seat 12 awmnaah MNF leh a thawhpui HPC-ten seat 10 kan la bawk a ni. Nikum kum tawpah AMC inthlanah kan mal tan a, seat 19 awmah seat 10 kan la bawk. Tuirial bial bye election-ah vote sang chuangin hnehna kan chang bawk a, kum 2023 inthlanah Pathian leh mipui zarah kan sorkar leh ngei dawn a ni,” a ti bawk.

He hun hi Pu D.Thangliana NCC member chuan a kaihruai a, Upa Dr.H.Lallenmawia, Adviser chuan hunserh a hmang.

Sd/-
(R.LALHMANGAIHA)
Secretary
Media & Publicity Dept.
Mizo National Front
Memo No.MNF/Media/03/2022/362
Dt.24.01.2022

MNF ȚHALAI TEN MNF VICE PRESIDENT HOIN KUMTHAR Astana MNYF TEN INHLANTHARNA HUN AN HMANG

MNF ȚHALAI TEN MNF VICE PRESIDENT HOIN KUMTHAR ATAN INHLANTHARNA HUN AN HMANG.

Vawiin Dt 21/01/22(Zirtawpni) chhun dar 12:00 pm khan MNF Thalai MNYF-te chuan Kum thar atana intuaitharna leh inhlantharna hun MNYF Office, Mizo Hnam Run-ah an hmanga, he hun hi MNF Vice President Pu Lalthengliana chuan a hmanpui.

He hun hmanpuitu MNF Vice President Pu Lalthlengliana chuan thusawiin,” Party ah țhalai te hi an pawimawh hle a,Lungpui pawh lungte in a kamki loh chuan a awm theilo.MNF hi thalai tello in a kal theilo a ni.

‌‌Pu Laldenga hnena Pathianin kan hnam meichher a dah hi chhi alh zeltu tur kan ni. Kan martar te khan ramdaiah sinthuah tur pawh neilovin thangtharten sinthuah tur an neih theihna tur a nih chuan tiin an hnukchah darkar ah pawh ‘Zoram dam reng rawh’ tiin kut phar chhuak hram hramin,ramdaiah ram tan an nun anlo hlan a ni.”a ti.

Pu Thlenga chuan,”‌Mizo hnam thuthlungah hian awm reng ila, He hnam lipui atang hian i chhuak lo ang u. Nakum mai a kan inthlan turah pawh kan hma a tihtur awm angah mahni theihna zawn țheuhah tan la thar leh țheuh ila.Party dangten theihtawpin min bei a, mahse mipui hian thil nihna hi an hria.Kan tlakbalna leh thawmthat ngai lai apiangah dinthartu ni turin he kan dinhmun ah hian nghet takin I ding tlat zel ang u,”tiin MNF thalaite a chah a ni.

Kum 2022 atana MNYF intuai tharna leh hlan tharna Programme Hnam Run Țhalai rooma neihah hian MNYF President Er Lalrinawma,Tuikum bialtu MLA nibawk pawhin thu sawiin,”Pathian hruaina leh awmpuina a Kum 2022 kanlo chuangkai leh thei hi a lawmawm hle a, he hun thar kan chuan kaia ka sawi duh ber chu kan hnam Pasaltha te hnungzuia,a nuamah emaw a hrehawmah pawh Ram leh Hnam tan pen zel tur kan ni, chu chuan kan hmalam hunah kawng ropui tak min sial sak zel dawn ani.

MNF Țhalaite chu Nakin lawka Kan Party khai dingtu turte kan ni tih hriain dawh theihna leh Chhelna te rilruah vawng reng ila,vawiina kan hawiher hian kan Party hmakhua a hril a ni.Kan thiltihna kawng tinrengah Pathian leh Kan ram tan tih thupuia neitu MNF țhalai hruaitu tih atan a mawi em tihte i ngaihtuah hmasa thin ang u.”a ti.

Kum 2022 atana MNF Țhalaite inhlan tharna programme hi MNYF Vice President Pu Lalzahawma Khiangte chuan a kaihruai a,Pu H.Lalroliana Tresurer chuan lawmthu sawina hun hmangin he hun hi a țin a ni.

HEALTH SERVICES BUILDING THAR HAWNG

Aizawl Dt.21.1.2021: Vawiin khan MINECO-a Directorate of Health Services Building thar chu Dr.R.Lalthangliana Health Minister chuan a hawng. Health and Family Welfare Development Board Vice Chairman Dr. Z.R Thiamsanga leh sorkar hotu ten Minister hi an tawiawm a ni.

Health Minister chuan, Health Department in Covid hrileng karah hma a sawn zel a, Ayush Department tan building sak vat a ni dawn. District parukah hospital tih chang tlun a ni dawn bawk a ti a, Zoram Medical College ah khum 140 atangin covid awm hnuah khum 300 chuang dah belh a ni a, ICU ah khum 13 atangin khum 70 velah dah belh a ni tawh a ti bawk

CM IN HEALTH MINISTER HMALAKNA FAK

CM IN HEALTH MINISTER HMALAKNA FAK
‘Hun rei tak Mizoram Sawrkar in Mizoram mipuite tana kan beisei leh kan nawr nat em em Mobile Diagnostic Laboratory (I-LAB) Mizoram mipuite tan kan han nei thei tur hi ka lawm hle mai.
Department of Biotechnology, Ministry of Science and Technology, Goverment of India te duan I-LAB Hon’ble Minister Dr. Jitendra Singh an min hlan ah hian RT-PCR mai bakah ELISA Test leh Test dang neuh neuh khawl te bun lawk sa thlap a ni e.
Mizoram Health Minister @dr_r_lalthangliana inpekna leh hmalakna a ropui ka ti a. Mizo mipui te tan he khawl hi malsawmna lo ni mawlh rawh se.’
CM on INSTAGRAM
January 20, 2022

NATIONAL EXECUTIVE MEMBER FOR 2019-2022

NEM 2019-2022

KUM THAR ATAN HNAM RUN HAWN A NI

Mizo National Front

General Headquarters

Mizoram : Aizawl

 

Press Release

KUM THAR ATAN HNAM RUN HAWN A NI
Vawiin ni 17.1.2022 hian Mizo Hnam Runah kum thar Hnam Run hawnna leh mithar lawmluhna hun hman a ni. He hun hi Pu Lalthlengliana Vice President-in a kaihruai a, Pu Tawnluia Senior Vice President-in MZP Vice President kalchhuak Pu Peter Chhangte leh ZNP atangin voter 29 MNF-ah a lawmlut a ni.
Sr Vice President, Dy CM ni bawk Pu Tawnluia chuan thusawiin, “Ṭhalai mithiamin Hnam Party an rawn bel zel hi a lawmawm ka ti a. Mithar kan lawmlut zel hian MNF Pu Zoramthanga kaihhruai sorkar hian rin a la hlawh a, he hnam leh ram hruai turin rin tawk a la hlawh a ni, tih a lan tir a ni, ” a ti a. “Pathian leh kan ram tan tih lungphuma hmangin MNF hi din a ni a, Pathian hming lam hmasain he hnam leh ram rawngbawl turin he party hi din a ni,” a ti bawk.
Pu Tawnluia chuan, “MNF Party chuan vawiinah hian kan thiamna te, kan finna te, kan chakna te, kan chhuang thei lo. Pathian hming lam chung zelin kum tharah hian Mizo hnam dinchhuahna atan kan inpumpek kumah i hmang lehzual ang u. Tun aia nasa lehzuala nationalism kan kalpui theih nan ngaihtuahna i seng thar ang u,” tiin kalkhawmte a chah.
Dy CM chuan, “Mizo mipuite hmun tina awm leh state pawna awm rorelna pakhat hnuaiah dah hi MNF thil tum a ni. Party dang anga lalna leh thuneihna ringawt um a, lal theihna leh thuneihna um ringawt thei kan ni ve lo. Pathian hming lam chungin kan thawk mek zel a ni. Chak loh chang nei mah ila Pathian hmanrua ni turin kan kal mek zel a ni,” a ti a. Pu Tawna chuan, “Lalpa hming lam tlattu Chief Minister kan nei tih hi a hrechiangtu ka ni ve a. Phuahchawp leh bawlphawn chawpin, zel din thute nen min bei ṭhin ang. Pathian au zel ila, he hnam hi chhanchhuahin a awm zel ang,” a ti bawk.
MNF Senior Vice President chuan, “Khawpui laili aṭanga Assam Rifle sawn chhuahna turin Pu Laldenga hunah Zokhawsang hmun pek an ni daih tawh a. Kum 10 Congress khan an ngaihsak lova, Pu Rama sorkar lo dingin ngaihtuah a ni a, nawr leh a ni. AR-te hi chhuak thei turin an inbuatsaih mek zel a ni. An chhuahsan ram hi mipui vantlang tan liau liau kan hmang tur a ni, tiin MNF sorkar hmasa khan danah kan dah nghet tawh a ni. Assam Rifle-te hi an chhuak ngei ang,” a ti a. “MINECO hi MNF sorkar hmasaa AR ram chhuhsaka din a ni bawk a ni,” a ti.
Pu Tawna chuan, “He hripui dona leh developement kal zelnaah hian mipuite min ṭawngṭaipui a, min thlawp tlat turin kan ngen a. Sorkar min thlawp tawhnaah thinlung takin lawmthu kan sawi tak meuh meuh a ni,” a ti bawk.
Lawmluh zinga mi Pu Peter Chhangte ex-MZP Vice President pawhin thusawiin, “Ram leh hnam hmangaih vanga din, ram leh hnam avanga nunna hlantu party ka zawm thei hi ka phur hle a ni. Ram leh hnam vir vel dan te, sorkar vir vel dante ngun taka ka thlirin, ka hmuh chian em em chu MNF hi Ram leh hnam tana ding party a ni, tih hi a ni. Chuvangin, lawm takin Hnam Party MNF-ah hnathawk turin ka rawn inziak lut a ni,” a ti.
Sd/-
(LALLENMAWIA JONGTE)
Secretary
Media & Publicity Dept.
Mizo National Front
Memo No.MNF/Media/03/2022/361
Dt.17.01.2022.

LAWMTHU SAWI

 

Raltlan Relief & Management Committee, Thingsai chuan Bialtu MLA chungah hetiang hian lawmthu an sawi.

 

LAWMTHU SAWINA

Kan bialtu MLA leh Minister ni bawk Dr. R. Lalthangliana ṭhahnemngaihna avanga vawiin dt 15 January 2022 a Mizoram Journalist Association(MJA) General Headquarters hruaitute leh District Headquarters Lunglei leh Hnahthial lama MJA hruaitu mi 40 vêlin Thingsai khawtlang min lo tlawh hi kan lawm hle mai.

Myanmar ram buai avanga kan unau mangang leh thlaphanga lo tlan thla, Thingsai khawtlang min lo bel tute a hmun ngeia min lo enpui a, an dinhmun min hmuhsak tur leh anmahni chhawmdawlna kawnga zau zawka hma kan lak theih nana hma min laksaktute, kan fel vang leh raltlan kan chhawmdawl kawnga khaw dang aia kan hah bikna awm hauh lo kara MJA members heti zat maiin kan khawtlang in lo chuangkai hi Raltlan Relief & Management Committee, Thingsai chuan lawmthu kan sawi mawlh mawlh a ni.

Tin, kan khawtlang mamawh kawng hrang hrang kan sawite min ngaihthlaksak a, a theihna kawng zawna hma min laksak in tum thute kan hriatin kan thla a muang a. Boarder trade route kan mamawhna sanzia te, hemj kara ruihhlo leh dan phal loh thil khawtlang leh ram hmel tibal thei vengtu a tana Police station changtlun zawk kan mamawhna te, kan tui pump dan leh dept hrang hranga kan mamawhte pawh sorkar lam beng thleng tura min puanzarsak in tumna leh hmalak pui min duhna rilru leh awka kan hria te kha Thingsai khawtlang chuan lawmthu kan sawi mawlh mawlh bawk a.
Kan hmunhma neih leh rohlu kan neih Saitlang Romual te pawh a hmun ngeia min enpui theite kha kan lawmin Mizoram Tukverh a thlen ngei kan beisei tlat bawk a ni.
Chutih rualin kan lo dawnsawn danah cheu leh khawtlang dinhmunin a zir loh avanga in duhthu kan sam lohna tam tak a awm ngeiin a rinawm bawk a, chutiang kawngah erawh chuan rilru zau min putsak a, min ngaihthiam hram hram kan ngen bawk cheu a ni.

Kan khaw tiapui, Mizoram tlang dung hrang hranga hetiang zata tam MJA hruaituten a huhova in tlawh hi a tam vakin kan ring lova. Chutiang kara Thingsai tlangdung kher in lo thleng hi NGO hrang hrang leh VC aiawh pawhin lawmthu kan sawi bawk a ni e.

Issued by –
Raltlan Relief & Management Committee, Thingsai

PU ROBERT ROMAWIA ROYTE IN REPUBLIC VENGTHLANG TLAWH

 

 

Aizawl : 15.1.2022 : Pu Robert Romawia Royte, Adviser MNF, Sports MInister ni bawk chuan tukin zingkar khan Republic Venthlang tlawhin Republic Vengthlang MNF Unit te buatsaih inkhawmnaah thalai mi thiam rual MNF Party-ah a lawm lut a, lawmluh hmingpuutu te hi te hi mi 5 niin vote  20 keng  an ni. Pu Roberta  chuan  Aizawl South-I ah MNF MLA kan nei let leh ngei dawn a ni a ti. Sports Minister hian Republic Vengthlang tana bazar hmun tura ruahman pawh a thlirpui nghal a ni.