MIZO TLANGVAL JEREMY LALRINNUNGA KAN CHHUANG

Mizo National Front
General Headquarters
Mizoram : Aizawl

PRESS RELEASE

MIZO TLANGVAL JEREMY LALRINNUNGA KAN CHHUANG

Mizo tlangval Jeremy Lalrinnunga (19) S/O Lalneihtluanga, Ainawn Veng, Aizawl-in Commonwealth Games 2022, Birmingham, England-a neih mekah Gold Medal a la hi thinlung takin MNF chuan kan lawmpuiin kan chhuang a. Tlangval naupang tak nia inelna sang taka hlawhtlinna a chang thei hi a ropui kan ti tak zet a ni.

Hetiang dinhmun thleng thei tura a thawhrimna leh tumruhna te a ropui kan ti a. Gold Medal la tura a rahbi tuk saktu zawng zawngte chungah lawmthu kan sawi bawk e.

Mizoram leh Mizo hnam tan dinhmun sang zawka a din zel theih nan duhsakna sang ber MNF chuan kan hlan a ni.

Sd/-
LALLENMAWIA JONGTE
Secretary
Media & Publicity Dept.
Mizo National Front
Memo No.MNF Media/02/2021/484
Dt.31.07.2022.

KUT HNATHAWK VAWK VULHA EIZAWNGTUTE TANA THEIHTAWP CHHUAHTU MINISTER DR.K.BEICHHUA MNF-IN A CHHUANG

Mizo National Front
General Headquarters
Mizoram : Aizawl

Press Release

KUT HNATHAWK VAWK VULHA EIZAWNGTUTE TANA THEIHTAWP CHHUAHTU MINISTER DR.K.BEICHHUA MNF-IN A CHHUANG

ASF management-ah India ramah a titha ber kan ni

Dated 30th, July, 2022, (Inrinni) :- African Swine Fever (ASF) vawk pulh hri hi, chi hrang hrang (Sub-type) 26 vel a awm a. Asia khawmualpui leh India ram bakah Mizoram thlenga kan tawrh mek hi Sub-Type II a ni. Kum 2020 chhung khan Mizoramah vawk pûl hri hi a lola lut ve lo a, covid-19 hrilen hnua lolut ve chauh a ni. Hetihlai hian Assam, Arunachal Pradesh leh Meghalaya-ah chuan an lo tuar nasa hman tawh hle. AH & Vety Minister Dr.K.Beichhua hmalaknain Ni 16.04.2021 khan ‘The Prevention and Control of Infectious and Contagious Diseases in Animal Act-2009’ hmangin Lungsen khua, vawk thih tamna hmunpui leh a chhehvel chu ASF lenna hmunah an puang nghal a, Lungsen khuaah hian amah leh Disease Investigation Team-te chu rang taka kal nghalin thil awm dante enfiahin an riahchilh nghal nghe nghe a nih kha. Kum 2019 daih atang khan khawchhak lamah ASF a len nasat avangin ram pawn atanga vawk lakluh Minister hian a lo khap tawh a, awareness campaign pawh vawi 209 lai Zoram hmun hrang hrangah neih a lo ni tawh bawk.

Dr.K.Beichhua leh a department official-te hmalaknain state dangin an tih ve loh, vawk vulhtute remtihna la hmasain ‘culling’ (vawk suatna) chu a infected area chhunga mi zawng chu hrikai lo pawh suat vek tura tih a ni a. Vawk vulhtuten Vawk an vulh kg 15 chinah ah rs 2200/-, kg 40 chinah rs.5800/-, kg 70 chinah rs 8400/-, kg 100 leh a chung lamte tan rs 12000/- atanga rs 15000/- chu uluk taka compensation pe turin chhinchhiah vek an ni a. District hrang hrangah- Aizawlah Vawk-1058, Lunglei- 220, Hnahthial-140, Saitual-56, Siaha-50, Serchhip-744, Mamit-220, a vaiin Vawk 2488-te chu suat an ni. District hrang hrangah- Aizawl District tan rs.4,00,68, 200/-, Lunglei – rs.78,37,400/-, Hnahthialah rs.35,21,000/-, Saitualah rs.15,31,200/-, Siaha-ah rs.12,51,800/-, Serchhipah rs.2,25,53,400/- leh Mamit-ah rs.2,80,79,200/-, a vaiin rs.10,48,42,200/- te chu compensation pek tur an ni. Heng pawisa dawn tur hi AH & VETY department kutah a awm vek tawh a. Official Level-ah tih tur tul zawng zawngte tihfel anih veleh District Veterinary Officer-ah pawisa hi transfer a ni ang a. District Officer-ten beneficiary account-ah an dawn tur zat theuh an deposit ang a. Rokhawlhna lian tak a awm loh chuan pawisa hi August ni 15 hmain sem vek a ni ang a, Compensation hi Minister hian ni 26/7/2022 khan vawk suat sakte hnenah a released tawh a. Covid hrileng kara vawk vulha eizawng, kut hnathawkte hmangaitu Dr.K.Beichhua-in theihtawpa state dang tih ve theihlohah hma a la bik hi MNF chu a lawm takzet a ni.

AH & Vety Minister Dr.K.Beichhua theihtawp chhuahna avangin, Mizoram hi ASF management-ah India ramah a ti tha ber kan ni a. State dangte hian mumal taka vawk suat (culling) hi an ti ve lo. Mizoram chauh hi vawk suat compensation dawng tur kan nih avangin MNF chuan Dr.K.Beichhua hi kan chhuang takzet a ni. Heta tana sum mamawh 50% hi Govt.of India-in a thawh a, chumi lo dolet nan chuan 50% chu Mizoram sorkarin a tum a ni nghe nghe.

Department of Animal Husbandry and Dairying, Ministry of Fisheries, Animal Husbandry and Dairying GoI chuan ran vulhtuten an kawtkai ngeiah Veterinary service awlsam zawka an hmuhchhuah theihna turin Livestock Health and Disease Control hnuaiah State-tin tan Mobile Veterinary Unit pek tura a ruahman kha, pek dan guidelines-ah chuan Livesstock population nuai khat zelah MVU pakhat zel a ruahman a ni. Mizoramah chuan Livestock a hniam hle a, ruahmanna ang hian pek ni ta se, MVU hi panga pawh kan dawng thei lo. Hetihlai hian Dr.K.Beichhua hmalaknain Mizoram tlang ram leh inkalpawhnate a harsat avangin RD Block anga pek turin GoI hnenah dil a ni a, chu chu pawmpui kan ni hlauh a. RD Block 26 tan MVU hi phalsak kan ni. MVU 26 lei nan hian GoI chuan kum 2021-2022 khan rs.416 laks department-ah an rawn pe a, za a za hi central sorkar tum a ni nghe nghe.

Heng bakah hian Dr.K.Beichhua hmalaknain ‘Special Assistance to State From the Capital Expenditures’ pawisa cheng nuai100 hmang tangkaiin Godown pathum chung rangva chhia thlakna Dyna Roof, farmers-te hnena ranchaw phurhna tur Bolero pick-up, Godown chhuata phah tur plastic plate lei a ni a. Aizawl veng hrang hrang 10-ah ranchaw zawrhna hmun sales booth siam a ni a, installation of 35kw Grid connected solar power plant (30-35% bill sukiang tur) bun fel a ni tawh bawk a ni. Hei bakah hian Feed Godown Tanhril chu a building leh khawlte theihtawpa chei that a ni a, ran chaw ni khatah ah 90 atanga 110 quintal feed plant-ah herchhuah theih a ni ta a. Thla khatah Vaimim kut hnathawktute atangin quintal 700 lei theih a ni tawh a, Mizoram vaimim tharchhuah hi lei theih reng a ni.

Hetiang taka Mizorama kut hnathawktute hmakhaw ngaia vawk vulhtute tana fing leh remhre taka hmalatu Minister Dr.K.Beichhua chungah MNF chu a lawm hle a, state dangte tih theihloh ti theitu anih avangin a chhuang takmeuh meuh a. Pu Zoramthanga kaihhruai MNF ministry hian kut hnathawktute a ngaihsakzia tihlannaah MNF chuan a ngai bawk a ni.

Sd/-(R.LALHMANGAIHA)
Secretary
Media & Publicity Dept.
Mizo National Front
Memo No.MNF/Media/03/483
Dt.30.07.2022

MNF VICE PRESIDENT PU VANLALZAWMA’N MNF SERLUI SOUTH BLOCK POLITICAL TRAINING A HMANPUI

Mizo National Front
General Headquarters
Mizoram : Aizawl

PRESS RELEASE

MNF VICE PRESIDENT PU VANLALZAWMA’N MNF SERLUI SOUTH BLOCK POLITICAL TRAINING A HMANPUI

Vawiin Dt 29/07/22 Zirtawpni hian Mizo National Front, Serlui South Block buatsaih Political Training, Bilkhawthlir Community Hall-a neih chu Pu Vanlalzawma Ex MP, MNF Vice President chuan khuallian niin a hmanpui.

MNF Serlui South Block Political Training-a khuallian Pu Vanlalzawma MNF Vice President chuan thusawiin, “MNF hi Party dangte nen kan in ang lo, kan danglam bik a ni. MNF Party chu ram leh hnam tana rammu a, Martyr te thisena chawinun, Mizo hnam lungphuma innghat Party kan ni, kan mi hmasa ten he hnam tan falu hlohin mahni inphatin hrehawm tam tak an lo paltlang tawh a. Kan Contract hnathawhah te kan danglam bikna hi alang tur a ni, Party dangte aia kan danglam bikna hi miten an hmu tur a ni,” a ti.

Pu Zawma chuan,”Pu Zoramthanga kaihhruai sorkar hmalaknate miin an hmuhin belh tlakah an ngai a, mithar duhawm tak tak vawiin thlengin lawmluh tur kan la nei zel a ni. Tun hnaiah pawh zirlai pawl hruaitu duhawm tak tak leh mi challang tak tak ten MNF an zawm zel. Tlawmna nun nena Politics khelh a pawimawh hle a, dawhtheihna leh thuhnuairawlhna nen mithar sawm luh kawngah thahnem ngai zawkin tha thawh zel ang u,” tiin kalkhawmte a sawm bawk.

MNF Vice President chuan mi thenkhat ten Social Media platform hrang hrangah mipui rilru hruai kawi tumin thuva-uk leh thudik chanve hmangin sorkar leh Party beihnate an tidarh țhin tih a sawi a. “Hengte hi thu dik zawk nena kan umzui a, mipuite hnena thudik hriattir thin hi kan tih tur a ni,” a ti bawk.

Khualzahawm Serlui bialtu ni bawk Pu Lalrinsanga Ralte pawhin thu sawiin, “Kum 3 leh a chanve Sorkarna kan chan chhungin kum 2 vel zet chu Covid-19 hripuiin min tibuai a, duh angin sorkar hmalakna a kal chak thei lo. MNF Sorkar hian hnathawhna hun tlem a neih chhunga a hnathawhte hi Congress Sorkar kum 10 chhunga an hnathawh nen khan khaikhin ila a zahpuiawm vak bik lo ang. Sorkarin sum a neih ang angte Covid do nan a hmang thin, buai lutuk loin vawiin kan thleng thei a ni. Hripuiin kian lam a pan zela hun țha a in herchhuak zelin ka ring a ni,” a tim

Pu Rinsanga Ralte chuan, “Ka tih theih chu tlem mahse ka thinlung leh ngaihtuahna zawng zawng in tan, chhungkaw tin tan leh khaw tin tan hian ka seng zel dawn a. Chumiah chuan theihtawp chhuahin min tawngtai pui u la. Vawiin a min support tlat ang hian min support rawh u. Pathianin hun tha min pe anga a vur kum hi kan thleng ngei ngei dawn a ni. Kan hotuten SEDP sem a nih theih nan theihtawp an chhuah a, kumin chhung hian kan biala SEDP Phase-1 dawng tur thlanchhuahte hian kan dawng ngei dawn a, Second Phase pawh nakumah sem leh tumin ruahmanna kalpui mek a ni,” a ti bawk.

MNF Serlui South Block Political Training Bilkhawthlir Community Hall-a neih ah hian Pu R.Lalhnuna PAC leh Pu BC Biakngura General Secretary Serlui District changtute pawhin thu sawina hun an hmang bawk.

He hun hi Pu Lalruatliana Vice President MNF Serlui South Block in a kaihruai a ni.

Sd/-
F LALBIAKZAMA
Secretary
Media & Publicity Dept.
Mizo National Front
Memo No.MNF Media/02/2021/483
Dt.29.07.2022.

MNF SORKAR HI PATHIAN MITE TAWNGTAI CHHUAH A NI – K.Lalrinliana, MNF, Adviser,

Mizo National Front
General Headquarters
Mizoram : Aizawl

Press Release

MNF SORKAR HI PATHIAN MITE TAWNGTAI CHHUAH A NI – K.Lalrinliana, MNF, Adviser,

Buhfai dinhmunah kan thar chhuah tlem ngaihtuahin, engemaw thut lo thleng se, thla 3/4 ei kan stock

– Supply Minister

*Dated, Aizawl, 29th, July, 2022 (Zirtawpni)* :- Vawiin Mizo Hnam Run chhung inkhawm hun hnihnaah Pu K.Lalrinliana, MNF Adviser chuan MNF chu an that bik vang ni lovin, mipui leh Pathian miten an tawngtai chhuah a ni a. Covid hrileng tur hre lawk tu, ramri buai tur hre lawk tu, khawchhak lam unaute lo tlan thla tur hre sa, ran pulh lo thleng tur hre lawk sa Pathianin hun harsa leh khirh laia Zoram kaihruai turin Pu Zoramthanga sorkar a ruat thu a sawi.

“Ramri a buai lai khan Bairabi leh Kanhmun thlengin min dang chat a, kan ei leh bar lakluhna kawng zawng zawng min dang vek a. Rail kawng hial min tihchhiatsak a. Assam khuan ‘Mizoram sorkarin bawkkhupin chibai min buk se’ an duh ni berin ka hria a. Min dan chah lai khan kan Chief Minister-in zan laiah min rawn phone a, Gas leh buhfai lamah harsatna lo thleng thei lakah Bangladesh, Burma leh State dang atanga dap turin min ti a. Kei chuan hma ka la nghal a, kan hmalak dan zawng zawng kha sawi vek sen a ni lo. Ramri hrulah BSF leh Army an duty vek a, kar lovah Pu Zoramthanga hmalaknain min dan chahna zawng zawng kha tihtawp a ni nghal,” Pu K.Lalrinliana, Supply Minister chuan a ti.

Supply Minister chuan an sorkar hlim khan Chief Minister hovin NFS, BPL/APL tan ration-ah Zoram mipui thar chhuah ngei lei an tum thu a sawi a. Mizoram hian thla khatah buhfai quintal nuai khat chuang an mamawh thin thu sawiin, Mizo thar chhuah an lei kha quintal 23 lek a nih thu a sawi a, lei tur chu awm se Mizoram thar chhuah ngei lei an duh thu leh Mizo thar chhuah lei tur an hmuh khawp loh thu a sawi a ni. Rice Mills pawh Agriculture Minister hovin a bial chhung leilet tamna hmunah an din tawh thu te, tih tham mipuiin an la thar lo chu pawi a tih thu a sawi. Champhai lam buhfai that thu leh a man to bik thu tarlangin, Pathian hian eng hunah emaw chuan min la intodelh tir ngei ka ring a. Intodelh rih lo mah i la, ration-ah harsatna a awm lo. Buhfai dinhmunah kan thar chhuah tlem ngaihtuahin, engemaw thut lo thleng mahse, thla 3/4 ei chu stock sa kan nei a ti. Supply Minister Pu K.Lalrinliana chuan tumahin hma lam hun kan hriat loh thu sawiin, ram a lo buai thut thei a, chutiang hunah chuan ration pawh lak reng theih a ni lo thei a, Mizote kan intodelh a tul thu a sawi a. Kan Chief Minister hovin SEDP Governing Board-ten eizawnna ngialnghet an ngaihtuah zel tiin, family oriented-a kalpui mek a nih thu a sawi bawk. Congress khan kha zat NLUP sem mahse, an hlawhtlinpui lo a, hlawhtling nia an sawite pawh huan ram nghet nei sa, an pekte an ni, a ti.

Fisheries Minister ni bawk Pu K.Lalrinliana chuan Union Fisheries Minister a hmuh thu sawiin, state chhunga sangha kan thar chhuah hi state danga chawkluhte aiin kan hralh tlawm theilo a. Achhan chu, head-load a sangha phurh chhuah a ngai thin a. Heng harsatna sukiang tur hian DPR siama an thehluh tawh thu a sawi bawk.

Pu K.Lalrinliana chuan congress sorkarin kawng an ngaihthahzia thu a sawi a. “Kan sorkar tantirh khan sum awm ang ang leh Central sorkar atangin kan Chief Minister-in a ngaihtuah a, kawng chhe zualpui siamthat deuh vek a ni a. Double lane mai ni lovin Four lane thlengin hmalakna lian tak kan kalpui ta mup mup mai a ni. Kan CM hian Hortoki to Meidum hma a lak vut vut hi 60% emaw 70% vel chuan an thawh zawh tawh ka ring a. ONGC leh IOL-ten Meiduma gas an lak chhuah hi hralh sum atan duhthusam chiah a la ni lova, a chhakah hian hralh tlak hmuh ngei inbeiseiin hmalakna a kal mek a ni. Kan lei hnuai hausakna haichhuak turin hma kan la mek a, state share pawh 50-50 turin kan nawr a, kan share hmuh chu eng zat pawh nise kan that pui hrim hrim ang. Kan sorkar hma khan Gas hi ni khatah trip 15 vel kan dawng thin a. State dang an hnianghnar si a, Union Petroleum Minister-ah ka nawr a, nitin trip 23 kan dawng ta char char a ni. Gas Bottling plant kan neih nitin trip 7 pe chhuak thei hi tilian turin hma kan la mek bawk,” a ti a. Vairengtea oil depot khu kan kham khawp loh thu sawiin, stock-na hmun tha zawk nei tura ruahmanna chak tak an kal pui mek thu a sawi a. Zuangtui Godown pawh Sairang thlangah FCI godown lian zawk sak mekah an sawn tur thu a sawi.

LAD Minister ni bawk Pu K.Lakrinliana chuan VC member tam tak an boral thu a sawi a, chu chu state election commision-ah pawh thlen tawh a niin, VC bye-election pawh a awm chho zeuh zeuh ang a ti bawk.

Chhung inkhawm hi Pu R.Thanglura, Deputy Mayor, AMC leh MNF Adviser ni bawk chuan a kaihruai a, Pu R.Vanlalsawma MNF Adviser chuan hunserh hmang.

Sd/- (R.LALHMANGAIHA)
Secretary
Media & Publicity Dept.
Mizo National Front
Memo No.MNF/Media/03/2022/481
Dt.29.07.2022

MIZORAM MP(LS) LEH DG,BRO INKAWM

Mizo National Front
General Headquarters
Mizoram : Aizawl

 

PRESS RELEASE

MIZORAM MP(LS) LEH DG,BRO INKAWM

Vawiin July ni 28 Ningani hian New Delhi a Border Roads Organisation (BRO) hmunpuiah Mizoram MP (LS) Pu C Lalrosanga chuan Border Roads Organisation Director General, Lt General Rajeev Choudhary hmuin Mizorama ramri hnaih kawng sial leh siamṭhat hna chungchangte a sawipui a. Kawnpui-Durtlang-Aizawl kawngpuia Km 10.25 a thui Durtlang Leitan-Sihphir kawng zauh leh siamṭhatna hna Mizoram PWD kuta hlanna tur pawh tifel thuai turin BRO DG chu a ngen a ni. DG BRO chuan he kawng pawimawh tak enkawlna hna hi PWD kuta hlan fel thuai tum a nih thu Mizoram MP hi a hrilh.

DG BRO chuan, “Hnahthial-Sangau-Siaha kawngpuia Chhimtuipui Lui chunga leidawhna tur ruahman mek a ni a. He lei panna Km khata thui kawng siam hna tiamin leidawhna hna leh a kaihhnawih hnate atan cheng vaibelchhe 75 ruahman a niin, Mizoram sawrkar aṭanga ram leh ramngaw hman phalna dawn a nih veleh sawrkar laipuiah sum mamawhte nawr zui nghal a ni ang,” a ti bawk.

Pu C.Lalrosanga chuan Myanmar leh Bangladesh ramri hrul leh ramri pawhna kawngte sial leh siamṭhat a ṭul thu Border Roads hotupa chu a hrilh a. Chutiang atana ṭul ang angte chu Ministry of Defence hotute hnen lama thlen hmasa zel turin DG chuan MP chu a ngen a ni.

Sd/-
THANGKIMA
Secretary
Media & Publicity Dept.
Mizo National Front
Memo No.MNF Media/02/2021/480
Dt.28.07.2022.

LEADERSHIP TRAINING LEH VOTER 590 LAWMLUHNA HUN HMANG

Mizo National Front
General Headquarters
Mizoram : Aizawl

 

PRESS RELEASE

LEADERSHIP TRAINING LEH VOTER 590 LAWMLUHNA HUN HMANG

-Kan pu ber an bei vak vak hi Politics-a an tih tur dik tak a ni. FC atanga sum hmuh a tlahniam tial tial a, tuin nge financial management thiam bik ang le? -Pu Lalchamliana, Minister_

Vawiin July ni 28, 2022 Ningani chawhnu dar 2 hian Kulikawn YMA Hall-ah MNF Aizawl South II Block huaihawtin ‘Leadership Training leh Mi thar lawmluh’ program hman a ni a. He hun hi Pu Lalchamliana, Home Minister-in khuallian niin a hmanpui a. MNF Vice President Pu Vanlalzawma chu Resource Person niin, Prof. F. Lalnunmawia, MLA-in a telpui bawk.

Khuallian Pu Lalchamliana chuan mi thar 590 lawm lutin thu a sawi a. Party tihchakna chu grassroot levela sengkhawm hna thawh a ni, tiin Block hotute thawhrimna fak a. Ama bialah pawh hetiang ti ve tura thurawn pek a tum thu a sawi. “MNF party hi a din tirh ata tu ta mah a ni lo, a inti neitu apiangte tan a ni a. MNF hi Mizo zawng zawng lenna a ni,” a ti.

MNF tobul sawiin, mautam tam vangin Assam sorkar hnuaiah Mizo National Famine Front a lo piang a, a hnu lawkah Mizo National Front hnuaiah hnam movement avanga tawrhna nasa leh hnam pasalthaten theihtawp an chhuah laiin Mizoram mipuiten duh danin inremna siam a ni l, a ti a. “Kan inremna hi India sorkar nena inremnaah a hlawhtling ber a ni,” a ti a. Kum 1987 ah party thiang nia inthlan hmachhawn chhoh dan leh Aizawl South II bialah MLA inthlan vawi kua (9) atangin vawi nga (5) MNF candidate thlantlin an ni tawh a ti.

“MNF kan danglamna chu Pathian leh kan ram tan tih hi a ni. Party dangin min tluk theih miah lohna chu kan MARTAR-te an ni. Zalenna sualin nunna an chan a. Martar thlanah lung 1600 chuang phun a ni tawh a, Martar tam tak an la tel lo, MNF chu martarte thisenin a uap leh a tihthianghlim kan ni,” a ti.

Tunlai issue chungchang sawiin: “Kan pu ber Pu Zoramthanga – Congress, ZPM, BJP ten an beih vak vak hi politic kalphung pangngai a ni. Hei hi eptu party-te tih dan tur a ni,” tiin Party mipuite chiai lo turin a chah a. Finance chungchanga an beihna sawifiahin, “India rama chhiah tlingkhawm insem zai (share in taxes) atangin Mizoram chuan kum khatah 0.56% chauh kan chang ve a. Thla khatah Rs vbc 230 vel a ni. Covid laiin Rs vbc 180 vel min pe. Grants pawh April 2020 atanga kum 2022 inkar, thla 20 vel chhunga kan hmuh tur, hmuh loh chu Rs vbc 2,600 zet a ni,” tiin, “Hetiang a nih vang hian sum harsatna a awm lo thei lo,” a ti.

Loan – NABARD, LIC, Market borrowing hi kan source pakhat a ni tiin, “Kan state thawhchhuah a pun loh chuan tu pawh sorkar sela puk lovin an kal thei bik lo ang. Tin, External Aided Project (EAP) atangin puk theih a ni bawk a. Tuna ADB loan Rs vbc 1000 lak turte hi budgeta mi ni lovin Central sokarin 90% a tum thin,” a ti.

“Sum hmuhna hlawm lian – Revenue (deficit) gap grant, sum indaih lohna chu Finance Commission (kum 5 zel atan) atangin a lokal thin. FC 14-na (2016-20) chhung khan Rs vbc 21,183 an rawn pe. FC 15-na (2021-25) atan Mizoram chan tur chu Rs vbc. 6,544 chauh dah a ni. “FC atanga sum hmuh a tlahniam tial tial a, hetiang karah hian tuin nge financial management thiam bik ang le?” Pu Chama chuan a ti.

Sum hmuhna dang – CSS chu India ramah an kalpui tha tawk lo thin tiin, “Tunah chuan RBI account luahlum tura dah thin Rs vbc 500-600 kha CSS atan pek chhuah a lo tul ta a. Tunhma pawhin kan nawmsak loh tehlul nen, tunah hian kan nuamsa lo zual a ni. CSS pawisa hi thil dangah hman phal a ni lova, kan account dinhmun luahlum turin dah thin a ni. Kan sum harsat chhan hi – a hnar atangin kan hmu tha lo a ni.”

“CSS, MR/Provisional Employee etc tel lovin sorkar hnathawk hlawh atan thla tin Rs vbc 400 vel pek chhuah a ngai a. Congress sorkar khan sixth pay atangin seventh pay an kalpui avangin hlawh atan senso a pun phah hle,” a ti bawk.

Tax Minister Pu Lalchamliana chuan kan sum dinhmun hi a ziaawm chho zel dawn nia finance hotuten an hrilh thu a sawi a. “SEDP pawh kan kalpui zel dawn,” a ti a. Chhungkaw 60,000 thlan chhuah atangin chhungkaw 30,000 hnenah Rs 50,000 pek phawt tur a nih thu a sawi bawk a ni.

He hunah Resource Person Pu Vanlalzawma, MNF Vice President hovin leadership training neih chhunzawm a ni a. Pu Zawma chuan inzir zel a pawimawh thu a sawi a. Tunlai khawvel thang zelah kum 10 zirtirtu nia a tawnhriatte a tawk loh dan te, social media hmang thiam tura tanlak a tul thu te bakah tihtur leh tih loh turte a sawi a. MNF hqrs hmalaknain block leh unit level-ah pawh IT & Publicity sub committee din vek tur a ni, a ti.

“Party dang nen inanna tam tak kan neih rualin MNF kan danglamna chu kum 60 chhungin harsatna tam tak hnuaiah kan kun a. Heng karah hian Leader pahnih nghet tak Pu Laldenga leh Pu Zoramthanga chauh kan la nei a. Hei hi kan ngelnghehzia tilangtu a ni,” Pu Zawma chuan a ti.

He programah hian Aizawl S-III MLA Prof. Lalnunmawia, Block President Pu Lalrindika Chhangte leh mi thar lawmluh aiawhte atangin thu sawi ngaihthlak a ni a. Pu K. Sanghluna, Block Treasurer-in vote of thanks a sawi.

He hunah hian MNF General Hqrs GS pathum Pu T. Liansiama, Pu Sangkunga Pautu leh Pu H Vanlalrawna te bakah Hqrs Seceretary, Jt. Secretary & Frontal hruaitute leh Aizawl S-II MNF Block & Unit hruaitute leh mi thar lawmluh thahnem tak an tel a ni.

Sd/-
MALSAWMPUIA RALTE
Joint Secretary
Media & Publicity Dept.
Mizo National Front
Memo No.MNF Media/02/2021/479
Dt. 28.07.2022

RAMRI HUMHALH TURIN SORKAR-IN HUAISEN TAK HMA A LA ZEL

Mizo National Front
General Headquarters
Mizoram : Aizawl

 

PRESS RELEASE

RAMRI HUMHALH TURIN SORKAR-IN HUAISEN TAK HMA A LA ZEL

Vawiin ni 26.7.2022 hi nikum lama Assam leh Mizoram ramri-a buaina avanga inkahna thlen champha kum khatna a ni a. Nikum 26.7.2021 thil thlengah khan Assam Police 7 laiin nunna an chan a nih kha. He ni lo thleng hi ram leh hnam tana kan ngaihtuahna kan hman tharna ni leh kan inhlan thar niah hmang ila MNF Party chuan a duh tak zet a ni.

March ni 10, 2018 khan ramri humhalh tura penchhuak zirlaite leh chanchinbu mite chu Assam Police-in Zophaiah nasa taka kutthlakin silai-in an kap a. Khatih hunlaia sorkar Congress Party khan Mizo zirlaite thlavang a hauh ngam lo va, mangang takin chhantu nei lovin an awm a nih kha. Tunah erawh chuan Mizo mipuite hmaa ding ngam sorkar kan nei ta hi MNF chuan lawmawm a ti hle a ni.

Mizoram ramri humhalh tur hian ramri-ah hmasawnna hna thawh a pawimawh zia hriain MNF sorkar chuan theih tawpin hma a la mek zel a. Mizoram ramri hmun hrang hrangah a theih ang angin hmasawnna hna kalpui mek zel a ni.

Ramri chinfel hna thawk tur hian Mizoram sorkar chuan Deputy Chief Minister Pu Tawnluia Chairman-na hnuaiah Boundary Committee a din a. He Committee-ah hian Mizoram Tlawmngai pawl hrang hrang leh Party zawng zawngte member an ni. He Committee hian thutkhawm vawi engemaw zat nei tawhin Mizoram ramri atana BEFR 1875 ramri chu an pawm a ni.

Assam nena kan ramri chingfel tur hian chak angin Mizoram sorkar chuan hma a la chhunzawm zel a. Assam sorkar nen pawh level hrang hrangah inbiakna kalpui a lo tawh a. Tunah hian inbiakna nei turin hmalak leh mek a ni a. July ni 7, 2022 khan Assam Border Minister Atul Bora chuan Mizoram Home Minister Pu Lalchamliana rawn biain ramri chungchangah inbiak an duh thu a rawn sawi a. Mizoram Chief Minister Pu Zoramthanga pawh hmaichhanah ngei ramri chungchang sawipui a duh thu Assam Minister Atul Bora hian Mizoram Home Minister hi a hrilh a. Home Minister Pu Lalchamliana chuan rawtna rawn siam tura lo chhangletin, Assam lam thu leh hla hi la ngaihchan zui mek a ni.

MNF kaihhruai Mizoram sorkar chuan kawng tinrenga Mizo mipuite himna tur leh kan ram chin humhalh turin huaisen takin hma a la mek zel a ni.

Sd/- LALLENMAWIA JONGTE
Secretary
Media & Publicity Dept.
Mizo National Front
Memo No.MNF Media/02/2021/478
Dt.26.07.2022.

KOLASIB-AH POLITICAL TRAINING NEIH A NI

Mizo National Front
General Headquarters
Mizoram : Aizawl

Press Release

KOLASIB-AH POLITICAL TRAINING NEIH A NI

Election Manifesto kan tihlawhtling deuh vek tawh: Lalruatkima

Vawiin ni 25.07.2022 Thawhṭanni hian Diakkawn YMA Hall, Kolasib-ah Kolasib Block MNF Leadership cum Political Training neih a ni a. He hun hi Pu Lalruatkima, Rural Development Department Minister, MNF Adviser ni bawk chuan khuallian niin a hmanpui a. Pu K Lalrinliana LAD Minister, MNF adviser ni bawk chu khualzahawm a ni bawk.

Pu Lalruatkima chuan thusawiin, “MNF sorkar chuan inthlan dawna kan inzawrhna Election Manifesto kan tihlawhtling deuh vek tawh,” a ti a. MNF chu hun harsa lo thleng tur hrelawk vektu Pathianin rintlaka a ngaih, Pathian hriakthih a nih thu a sawi bawk.

Pu Ruatkima chuan, “MNF sorkar hnuah kan kawng a lo ṭha ta hle a, gas kan hnianghnar em em a, Mualkhang Bottling plant tih zauhna tur pawh ram lei fel a ni leh tawh. Oil depo pawh kan neih thuai theih nan hmalak mek a ni. Lirthei chhiah rit tak ni ṭhin chu mipui tan phurrit lo zawngin siam rem a ni a. Ni za inhlawhnaah pawh ni za ṭhak ṭhak kan inhlawh thei a ni,” a ti a. “Congress sorkar hun laiin Zu zawrh avangin kan mangang em em a, thlanmualah kan liam zawih zawih a, tunah chuan zunzawrh avanga kan manganna pawh tih tawp a ni ta,” a ti bawk.

Pu Ruatkima chuan, “Sorkar hmasa hunlaiin Zophaiah Assam police-in kan zirlaite silaiin min kap a. Zoram kan ṭap a ni. Khatih hunlai khan kan zirlaite chhantu leh chhan ngam sorkar kan nei lo. Pathian leh mipui zarah sorkar-na MNF-in a lo chang a, thil a inthlak nasa ta hle mai. Ram neitu sorkarah chuan Police te an huaisen ta a ni. Zoram chuan a neitu dik tak chhantu a nei ta a ni tih kan hriat vek kha,” a ti a. “Ram neitute sorkarah mipuite kan him a, kan thla a muang a ni,” a ti.

RD Minister chuan, “Tun hma lamin Union bugget-ah Mizoram hming a la chuang ngai lova, chaw min fun khep ngai lo. Pu Zorama sorkarah erawh chuan vaibelchhe 600 lai mai min fun kep ta te hi a ropui tak zet a ni,” a ti.

Pu Ruatkima chuan, “Kan elpui zingah chuan Congress an ruhrel a lian ber a, chutih laiin mipuite’n an la ngaidam lo. ZPM te hi tu pawl ber nge an nih zawh fe ngai khawpin an party-ah pawl hrang hrang an tam a. An committee te hi an titau a, an inchhuahsan zung zung mai a ni. An boruak a chhe em em a, han sorkar chi an ni lo,” a ti a. “Nakum inthlanah hian arsi a eng zual zel dawn tih a chiang hlein ka hria,” a ti bawk.

Khualzahawm Pu K Lalrinliana, Minister pawhin thusawiin, Diamond Jubilee hial lawm theia kum 60 chhung Pathianin MNF a hruaina chu lawmawm a tih thu a sawi a. “MNF hian hun harsa tak tak a tawk ve ṭhin a. He rama MNF-a dinchhuah lohna tur hian ram buai hnuah pawh beihna a tawk nasa hle a. Pathianin engemaw tak atan MNF party hi a duh a ni, tih hi a chiang hlein ka hria a ni,” a ti a. “Ramri buai te, hripui avanga manganna te, Myanmar buai avanga raltlan tam tak lo lut te, vawk pul hri nasa tak te kan ramin a tawk a. He hun khirh taka rorel tura Pathianin min dah hi, kan tlin bik vang a ni hauh lo. Kei phei chu a tling lo ber pawl ka ni. Chutih lai chuan he ram hruai tura Pathianin hriak a thih chu MNF a ni. Inthlan dawna mipuite ṭawngṭai chhuah Party hi Pathianin a hruai zel ang,” a ti.

Pu Rintea chuan, “Assam-in national highway kha chen an dan pin khan kan CM hmalakna a ropui ka ti hle. Foreign ram dang dawr turin hma a la nghal a, ram dang dawr turin ruahmanna siam niin a hlawhtlinna pawh kan hmu hman hial. Ram dang dawra hma kan lakna hi an ngai ngam lo a, chu chu kawng dan an tih tawp chhan kha niin ka hria. Pathianin hun dang zel atan pawh hian MNF hi min la hruai zel dawn a ni,” a ti a. “Pathian leh kan ram tan, titu kan ni a, Pathian duh dan ang ngeia he ram hi kan hruai a ngai a ni. Mipuite hmangaihna leh dawh theihna nen hma lam kan pan zel a ngai a ni,” a ti bawk.

He hun hi Pu Lalzawmmawia, MNF Kolasib Block President-in a kaihruai a, MNF General Hqrs. aṭangin Pu R Lalhnuna PAC Member, Pu BC Lalbiakngura General Secretary leh MNF hruaitu ṭhenkhatin an telpui bawk a ni.

Sd/- LALLENMAWIA JONGTE
Secretary
Media & Publicity Dept.
Mizo National Front
Memo No.MNF Media/02/2021/476
Dt.25.07.2022.

Union Minister of Education Darmendra Pradhan, hnenah MZU South Campus din anih thuai theih nan, Mizoram mipuiten an chhawr vat theih nan a rang lama hmalak pui vat vat tura ngen a ni-Dr VANLALTANPUIA MNF ADVISER

Mizo National Front
General Headquarters
Mizoram : Aizawl

PRESS RELEASE

Union Minister of Education Darmendra Pradhan, hnenah MZU South Campus din anih thuai theih nan, Mizoram mipuiten an chhawr vat theih nan a rang lama hmalak pui vat vat tura ngen a ni-Dr VANLALTANPUIA MNF ADVISER

Ni 22 July, 2022 (Zirtawpni) khan Dr. Vanlaltanpuia,MNF Adviser, MLA Chairman, Mizoram Youth Commission leh Vice Chairman, Higher and Technical Education Board chuan Union Minister of Education Darmendra Pradhan, chu a Office Shastri Bhawan, New Delhi-ah hmuin MZU South Campus din anih thuai theih nan te, Mizoram mipuite an chhawr vat theih nante leh a rang lam hmalak pui vat vat turin a ngen a ni.

Dr.Tanpuia chuan MZU South Campus din hi kum rei tawh tak atanga an beisei leh nghahhlelh em em ani a, chumi atana a thuphunga remtihna chu Ministry atanga lehkha an hmuh tawh thu te, he lehkha in a phut anga University dinna tur ram (Land) ngaihtuah tura tihna pawh State Sorkarin a bial Lunglei North AC chung Pukpui Mausep rama a ngaihtuah fel tawh thu a sawi a, Class tan lailawkna atan Mizoram Engineering College building sak zawh tawh hman tum anih thu leh Chief Minister Pu Zoramthanga thahnemngaihna a, a panna kawng (Approach Road), Tui connection leh Electric supply te pek tuma hmalak mek anih thute a sawipui bawk a.

Ministry lam atanga he University hi amaha inchawm (self finance) tur zawnga hriattirna MZU hotute’n an lehkha an dawn thu leh chu chu State rethei Mizoram tan chuan thil theih loh leh harsa tak anih thu a thlen a. MZU chu Central University anih anga Central sum hmanga enkawl anih laia South Campus bik Self Finance tur ang ngaihtuah chu thil awmlo leh in millo tak a nih thu Minister hi a hrilh a. Heng an harsatna tawh te hi lo en tha tura ngenna lehkha Chief Minister Pu Zoramthanga DO. Letter leh Dr. R. Lalthangliana Higher & Technical Education Dept Minister DO. Letter a pe nghal a ni.

He mi chungchangah tho hian Pu K Vanlalvena MNF Adviser, MP Rajya Sabha nibawk chuan RK. Ranjan Singh Minister of State, Education chu a chenna 26, New Moti Bagh-ah an hmu a, Minister chuan tha takin a lo dawngsawng a Lehkha pawimawhte leh thil tul dang pawimawh te chu a hnen ah pe vat thin turin leh arang lam a hmalak zel a nih tur thu in a lo chhang a ni.

MNF sorkar chuan a theih chinchinah duhsakin chhim lam mipui tan hian hma a la mek zel dawn a, reiloteah Lunglei Municipal Council inthlanna pawh buatsaih thuai a ni dawn bawk a ni.

Sd/-
LALTHAKIMA
Joint Secretary
Media & Publicity Dept.
Mizo National Front
Memo No.MNF/Media/03/2022/473
Dt.25.07.2022

MNF-AH LINE-UP A AWM VE LO. KAN CM SAWISELTUTEN SEL MAHSE, A KAIHHRUAINA MIPUIIN AN LA RING TAWK – Lalthlengliana, Vice President

Mizo National Front
General Headquarters
Mizoram : Aizawl

Press Release

MNF-AH LINE-UP A AWM VE LO. KAN CM SAWISELTUTEN SEL MAHSE, A KAIHHRUAINA MIPUIIN AN LA RING TAWK – Lalthlengliana, Vice President

Dated, Aizawl, 25th, July, 2022 (Monday) :- Vawiin hian Mizo Hnam Run chhung inkhawm hun hnihnaah MNF Vice President, Pu Lalthlengliana chuan eptu party-ten MNF chu hotu lawkte zingah line-up awm ang leh, hotute zingah tute pawl emaw awm anga an sawi thin chu thil dangah MNF sawiselna hre si loten, an duh dan dana an phuahchawp mai mai a nih thu a sawi a, a phuahchawptute ngei pawhin a dik lohzia an hria tih a sawi bawk. MNF-ah chuan ‘pawl pawl leh line-up’ tih vel a awm ve lo a, Pu Zoramthanga kaihhruaina hnuaiah lungrual takin kan kal a, kan kal zel dawn a, dawta min sawi thintute avang hian kan chhiat phah dawn reng reng lo, a ti.

Pu Lalthlengliana chuan MNF chu October ni 22, 1961-ah din a ni a, Mizorama political party-ah Diamond Jubilee lawm thei awm chhun chu MNF party chauh a ni a, political party dang tumah an awm ve lo tiin; Chief Minister zahawm tak Pu Zoramthanga’n nunna thapin fing tak leh huaisen takin min hruai a, Zoram hmasawnna chhiar senloh min thlensak a ni, a ti. Pu Zoramthanga chu hruaitu ropui tak a nih thu sawiin, a hnathawh ropui tam tak zinga langsar zual chu MNF term hmasaah peace bonus atan cheng vbc 180 chuang leh BAFFACOS-ah cheng vaibelchhe tam tak Central-ah a sawi chhuak a. Tun hnaiah Covid hrileng karah pawh budget piah lamah Bamboo Link Road atan cheng 100, Aizawl By-Pass Road atan cheng vbc 500 leh Special Assistance atan cheng vbc 400 a sawi chhuak a ni, a ti bawk.

Zofaten zalenna famkim kan neih theih nan MNF chuan March ni 1, 1966-ah ‘Independence Declaration’ a puang a. Hruaitu hmasaten Zoram an hmangaihna leh Zoramin leirem kan rah ve theihna turin khawvel an daidar nasa hle a. Kum 1970-ah China, 1972-ah West Pakistan, 1975-ah Rome leh Bond an kal thu te, 1978-ah Delhi-ah home arrest-a an awm dan leh mak tak maia January 1979-ah chhanchhuahna ropui tak an tawn thute MNF Vice President chuan a sawi. Zoram mipui duh danin June ni 30, 1986-ah inremna hlu tak kan nei a, inremna kan neih kha sawi bawrhban chi a nih lohzia sawiin, inremna sawisel leh si thintute chu mak a tih thu a sawi bawk.

MNF Vice President chuan MLA term 3 dawn Chief Minister nia Zoram min kaihruaitu Pu Zoramthanga chu social media leh fakselna hrang hrangah archuktuilo ang hialin thil hre chiang lova mi thenkhatin an beih thin thu a sawi a, a beitute hi vawi 10 pawh piang nawn se Chief Minister chu sawi loh, MLA pawh an nih loh tur thu a sawi. Sawiseltuten sawisel thin mahse; mipuiin Pu Zoramthanga kaihhruaina kan rinzia tarlangin, “MNF sorkar hnuah inthlanna hrang hrang- MP (LS), VC (LADC), Sinlung Hills Council, VC (CADC), MP (RS), Village Council ram pum, Local Council, MDC (LADC), AMC leh MADC-ah mipuiin Pu Zoramthanga an la rinzia tilangin hneh takin kan la tling zel a ni,” a ti.

He hun hi Pu Lalthanliana General Secretary chuan kaihruaiin, Upa Vanlalneia, AMC Councillor Zemabawk chuan hunserh a hmang.

Sd/-R.LALHMANGAIHA
Secretary
Media & Publicity Dept.
Mizo National Front
Memo No.MNF/Media/03/474
Dt.25.07.2022