Started on January 2020 (Sak mek a ni, Kum 2022 a zawh hman tum a ni) Amount : Rs 600.00 lakhs

MUTHI PARK KAWNG SIAM THAT
Siam ni September  2021 (Siam zawh tawh) Amount : Rs 10.00 lakhs

KROSS TLANG SUSPENSION BRIDGE, LALSAVUNGA PARK, HLIMEN
Siam tan ni September  2019  (Siam zawh tawh) Amount : Rs 9.545 lakhs  (Span 86.00m)

MILIM LUNGDENKAWN & RALDANKAWN LALSAVUNGA PARK, HLIMEN
Siam ni April  2020  (Siam zawh tawh) Amount : Rs 60,000

KROSS TLANG A CHAWLBUK TE
Siam ni July  2019  (Sak zawh tawh) Amount : Rs 3.624 lakhs

Rashtriya Gram Swaraj Abhiyan (RGSA) scheme hi Ministry of Panchayati Raj (MoPR) hnuaia mi niin a tum ber chu tualchhungah hleih neilo rorelna/inrelbawlna dik (social justice) leh tualchhung ei bar hmasawnna (local economic development) / intodelhna thlen thei tura Village Council te thuamchak leh tihhmasawn a ni.

Mizoram State RGSA Nodal Department chu Local Administration Department (LAD) a ni. RGSA Scheme hmanga LAD hmalakna pawimawh te chu-

Local Administration Department chuan Village Council te thuamchakna tur leh Self Help Group te tihchakna turin heng project te hi hmachhawp a nei mek a ni:

• Arecanut leaf plate production project (Hei hi Bilkhawthlir S Village Council hnuaiah kalpui chhoh tan mek a ni).
• Rural Homestay & Agro Tourism at Tuipui Darzokai (Hemi project hi thawh tan theih thuai beisei a ni).
• Handloom Design Training cum Production Centre at Thenzawl (He project hi Central Sawrkarin a pawm tawh a, hna thawhna tur sum Central in a release thuai beisei a ni).

Kum 2018-2019 leh 2019-2020 chhung khan Local Administration Department (LAD) hmalaknain RGSA Scheme hnuaiah Village Council House thar 10 sak a ni a, Village Council House 7 thuam that (repair) a ni a; tin, Village Council House 5 – ah Common Service Centre (CSC) dah a ni..

Kum 2020-2021 atan Village Council House thar 136 leh a hlui repair 95 Central Sawrkarin a approve a. Tin, VC House 10 ah Common Service Centre dah theih turin Central Sawrkarin in a approve bawk a ni.

LAD hmalaknain kum 2018-2019 atanga 2020-2021 chhung khan Village Council hrang hrang 193 hnenah Computer Set thar sem chhuah a ni a. Heng Computer te hi Village Council ten mipui rawngbawlna kawnga hnathawh nan tangkai takin an hmang mek a ni.

Village Council ten tualchhung inrelbawlna kawnga hmalak dan an thiam theih nan training pek thin an ni a. Training pekna hmunpui RGSA Scheme hnuaia mite chu:-

• State Panchayat Resource Centre (SPRC): Hei hi VC te In-pui tia sawi thin niin SPRC hi State Institute of Rural Development & Panchayati Raj (SIRD&PR), Durtlangah dah a ni.
• District Panchayat Resource Centre (DPRC):
  1. Heng district hrang hrang- Champhai, Mamit, Serchhip leh Siaha ah te hian DPRC Building tha tak sak niin a enkawltu tur Staff pawh RGSA scheme atangin dah vek an ni a, DPRC te hi SIRD&PR lamin an enkawl mek a ni.

Heng bakah hian a tul dan a zirin hmun dangah pawh SIRD&PR te nen tanghoin training programme buatsaih thin a ni.

Panchayat / Village Council thawk thate pualin Central Sawrkarin National Panchayat Award a siam a. Inelna category a zirin lawmman pawisa fai Rs.10 lakh, Rs.5 lakh leh Certificate mawi tak Village Council te tan buatsaih a ni a. National Panchayat Award atana dilna hi Village Council ten LAD hmalaknain online in an chhang a. Kum 2021 atan Mizoram atanga National Panchayat Award lawmman latute chu-

• Maubuang (DDUPSP – Deen Dayal Upadhyay Panchayat Sashaktikaran Puraskar; Rs.5 lakh + Certificate),
• Sawleng (CFGPA – Child-Friendly Gram Panchayat Award; Rs.5 lakh + Certificate),
• Kolasib Venglai (GPDPA – Gram Panchayat Development Plan Award; Rs.5 lakh + Certificate)
• Mualthuam ‘N’ (NDRGGSP – Nanaji Deshmukh Rashtriya Gaurav Gram Sabha Puraskar; Rs.10 lakh + Certificate) te an ni a. An lawmmna lakna category hi a hrang theuh a ni.