A. FISHERIES DEPARTMENT HNUAIA TUN SORKAR CHHUNGA HMALAKNA LANGSAR ZUAL TE

  1. STATE SORKAR HNUAIA HMALAKNA:
  2. SEDP

A. State Flagship programme SEDP hnuaiah heng ahnuaia mi ah te hian hmalak a ni.

a) Sangha chi nuai 118.12 sangha khawitute hnenah 50% subsidy in pekchhuah tawh a ni.

b) 50% subsidy in a mamawh ten an lei theih turin Sangha chaw 6265 quintal chhawpchhuah tawh a ni.

c) Len chi hrang hrang sangha khawituten an mamawh 50% subsidy in hralh chhuah thin a ni.

d) Crab Farming: Mizoram Chakai  khawi hlawhtlin theih a ni em tih zirchian na  SEDP hnuaiah  , Kolasib  Dumlui zau, Kolasib ah enchhin mek a ni.

C. MIZORAM FISHERIES ACT

C. MIZORAM FISHERIES ACT
Mizoram Fisheries Act hnuaia tha zawka luidung humhalh anih theih nan Fisheries Department leh Central YMA chuan thawhhona thutlung September ni 9, 2021 khan an ziak a. He thawhhona hnuaiah hian YMA chuan Fisheries Department chu Luidung humhalh kawngah te, dan lova luidung nungcha man te manchhuah kawngah te, Fisheries Act Awareness campaign kawngah te a pui thin ang. Tin, Branch YMA te Luidung humhalh tha lawmman siam a ni dawn bawk a ni.

B. FISH-INFO MIZORAM WEB-PORTAL AND MOBILE APPS.

Fisheries Department in tunlai thiamna Information Technology hmang tangkai a Fish farmers/Fishermen/ Riverine Fisheries Conservation group ten mobile apps hmang hian Department-ah an in register theihna tura Web Portal leh Mobile application ‘Fish-info Mizoram’ a siam chu February ni 22, 2021 (thawhtanni) khan Fisheries Minister Pu K. Lalrinliana chuan mipui ten an hman theih turin kan tlangzarh.

Registration tite hi an dil neihna hmun/ luidung humhalh etc, te hi Google map nen thlunzawm niin, map atang hian a neitu leh a zau zawng te en theih nghal vek tura duan a ni.

D. CAGE CULTURE

Department in a enkawl mek Serlui B Reservoir a Cage Culture-ah hian Sangha phuhlip nei lo chi (Pangasius sutchi) khawi thin a ni a, Mizo ten kan ngainat lemloh avangin Minister Pu K. Lalrinliana rawtna angin dil sangha khawi chin mek a ni.

CENTRALLY SPONSORED SCHEME(CSS) HNUAIA HMALAKNATE:

  • CSS hrang hrang hnuaiah heng a hnuaia mite ah hian hmalak a ni.
  • Sangha chi a kan intodelh theih nan Hatchery dinna tur mi 7 hnenah tanpuina pek tawh a ni a, a dang 4 din tura hmelak mek a ni.
  • Sangha note pianghlim hralh chhuah theih tura khawi lenna dil (rearing pond) siamna tur tanpuina mi 150 hnenah pek chhuah tawh a ni a, a vaia siamtawh zat hi hectare 32.03 a zau niin, a dang 13.7 hectare a zau siam belh leh turah hmalak mek a ni.
  • Sangha dil thar (new ponds) a vaiin hectare 150 a zau siam belh tura hmalak mek a ni.
  • Brood Bank: Mizoram in sangha chi (fish seed) thar chhuah kawnga kan harsatna ber ni a lang a Chi thlahtu (Brooders) kan nei tha tawk lo thin hi a ni a. Tunah hian Thenzawl Fish Seed Farm-ah a chi thlah tu tur bik vulhna, enkawl leh vawn thatna tur ‘Brood Bank’ siamna tur project Rs. 500 lakhs chu Sorkar laipui atang hian Administrative approval pawh hmuh tawh a ni.
  • Aquarium a sangha khawi chi tih pun lamah pawh hmalak tum a ni a, tunah hian mi 12 hnenah Backyard Ornamental fish rearing unit din theihna tur leh tlema liantham deuh Medium sized Ornamental rearing unit 1 no. (pakhat) tanpuina peiin , din tura hmalak mek a ni.Scheme for special Assistance to State for Capital Expenditure hnuaiah Ngaizel, Aizawl-ah sangha tharchhuah vawnthatna tur Cold Storage dinna tur DPR approved niin expenditure Sanction pawh hmuh tawh a ni a, hma la turin a tul ang te buaipui mek a ni.