DIRECTORATE OF FORENSIC SCIENCE LABORATORY (2019 – 2021) 

DEPARTMENT HMASAWNNA HNATHAWH 

 

  1. Mizoram Forensic Science Laboratory hi India rama Forensic Science Laboratory tam tak zingah Case pending nei ngailo awmchhun a ni. State dang tam zawkin case pending tam tak an neih ang nei ve lo tur leh dikna a hun taka hlenchhuah anih theih nan Mizoram FSL a thawktute chuan theihtawp an chhuah a. ND&PS Act leh CrPC 167 – in a ngiat angin eng case pawh, a te ber a\anga a lian ber thlengin Laboratory-a dawn anih atanga ni 30 (thla khat) ral hmain case-te hi report tihchhuah thin a ni.
  2. Hnu chhui (Investigation) a chak theihna turin Mizoram FSL hian Online Case tracking System August, 2014 atang khan a siam a. Chu chu FSL website https://forensic.mizoram.gov.in ah dah niin website atang hian eng case pawh Laboratory-a dawn a nih atanga exam report thawnchhuah a nih thlengin Case dinhmun dik tak thlithlai theih reng a ni. Case dinhmun hre thei tur hian password hranpa theuh hengte hi pek an ni – Police Station zawng zawng, SDPO-te, SP-te, DIG-te leh IGP-te; Excise Station zawng zawng, Assistant Commissioner leh Commissioner of Excise leh Narcotics Department-te. Hetiang updated Online Case Tracking System nei hi India ramah Forensic Science Laboratory dang an awm lo.
  3. Kum 2019 – 2021 (Nov) chhung hian Case hrang hrang 2547 leh Case kaihnawih Exhibit 24318 exam a ni a. Pawikhawihna hmun 163-ah kal chilhin Scientific investigation neih a ni. Forensic mithiamte hi an case exam-te sawifiah turin Court-ah koh an ni thin a, Mizoram chhunga Court hrang hrangah tum 604 an kal. FSL-ah hian misual  5982 lai te fingerprint Digital Database vawn that a ni a, pawikhawihtu rang taka chhuichhuah nan hengte hi hman tangkai thin a ni.
  4. Kum 2019 ah National Crime Record Bureau (NCRB) hmalak nain India ram puma hman tur Inter-operable Criminal Justice System (ICJS) duan a ni a. Khawtlai lova a hun taka dikna hlenchhuah anih theih nan Court, Police, Prosecution, Prison-te leh Forensic Science Laboratory te online-a inthlunzawmna tur a ni. He ICJS hi Mizoram FSL pawhin Sept, 2019 a\angin a hmang tan.
  1. Covid-19 hripui leng avanga ramin harsatna a tawh sukiang turin Mizoram FSL chuan Zoram Medical College (ZMC), Falkawn a hman turin an khawl Automated Nucleic Acid Extraction Instrument (QIACUBE) chu June 2019 khan phal takin a hmantir a ni.
  2.  Mizoram FSL hi khawl tha ber ber hmanga thuam a ni a, Modernization of Police Force (MPF) Scheme leh Nirbhaya Fund Scheme hmangin heng a hnuaia khawl tarlan te hi kum 2019 – 2021 (November) chhungin lei a ni.
Sl No. Khawl Hming
1 Automated DNA Extractor (EZ1 Advanced XL)
2 Real Time PCR (QuantStudio 5)
3 3 Block PCR System (Proflex)
4 Tissue Lyser II (Qiagen)
5 Refrigerated Centrifuge
6 Doppler Radar System (DRS-1)
7 Cyano Fuming Chamber (Sirchie)
8 Gas-ChromatographyHeadspace (Thermo Fisher Scientific)
9 Biosafety Cabinet (Class II Type 2 A)
10 All in One Mobile Forensic Kit

Nirbhaya Fund Scheme hnuaiah hian DNA division tihchangtlunna atan khawl thar te lei anih bakah room siam belh a ni. Division thar – Cyber Division pawh bul tan mai thei turin hmalak mek a ni a, a hmun hma pawh buatsaih fel vek tawh a ni. Covid – 19 hrileng avangin hmalak chak thei lo mahse  khawl lei tawh niin a thawktu tur mithiam la tura hmalak mek a ni. Kum 2021 ral hma a Division thar hi bultan thei tura beisei a ni.

  1. Mizoram FSL hian Science thiamna hmanga pawikhawihtute manchhuak tura a puih mai bakah Police Officer te, MCS & MPS (Probationary) te leh Zirlai thlengin Forensic kaihhnawih thilah zirtirna a pe thin a ni.

ooOoo