SAINIK WELFARE & RESETTLEMENT DEPARTMENT

2019 – 2021 CHHUNGA HMASAWNNA

 

  1. Mizoram Ex-Servicemen (Re-Employment in Civil Post Rules, 2019): Rajya Sainik Board Meeting ah Ex-servicemen te re-employed nan job reservation min siam sak tura kan lo ngen thin tawh ang in, the Mizoram Ex-Servicemen (Re-Employment in Civil Post) Rules, 2019 chu Mizoram sorkar in a siam a. He rules hnuai ah hian Ex-Servicemen ten Mizoram sorkar hna ruak hrang hrang ah Group B (Non-Gazetted), Group C leh Group D ah te 5% reservation a pe a ni.
  2. Penury Grant: Pension la lo a sipai bang te Central atangin tanpuina dil sak an ni a. Kum 2019 khan mi pariat(8) te Rs. 48,000 theuh dil chhuah sak a ni a, kum 2020 chhung hian mi 50 te Rs. 48,000/- theuh dil chhuah sak leh an ni. Kum 2021 atan January 2022 hian dil sak leh a ni ang.
  3. WW-II Veteran / Widow te Hnena Tanpuian: World War II Veteran mi 58 leh World War II Veteran ten an thih san an nupui mi 458 hnen ah thla tin tanpuina gratuity Rs. 2400 / Rs. 2000 pek thin a ni a. January 2019 atanga September 2021 chhung hian tanpuina hi Rs. 3,11,77,200/- (Cheng Vaibelchhe Thum Nuai Sawmpakhat Singsarih Sangsarih leh Zahnih) sem chhuah tawh a ni. Amaherawhchu tam tak ten mual min liam san tawh a, tun ah hian World War II Veteran mi 33 leh an nupui te mi 369 ten min la dam pui a ni.
  4. 2nd Assam Disband te Hnena Tanpuina: 2nd Assam service atanga ban tak mi pariat te hnenah January 2019 atanga March 2021 in kar hian tanpuina Rs. 5,11,200/- sem chhuah an ni. April 2021 atanga November 2021 hian mi pasarih hnenah Rs. 1,34,400/- pek chhuah a ni bawk.
  5. 5. Armed Forces Flag Day Fund atang a Tanpuina:         Sipai bang / an nupui mi 57 te hnenah damlohna leh chhiat tawhna avangin tanpuina Rs. 2,54,000/- Armed Forces Flag Day Fund atangin pek chhuah a ni.
  6. Christmas Gift to WW-II Veteran Above the Age of 90 Years: Kum 2020 Vijay Diwas den chhen in WW-II Veteran kum 90 chunglam mi 38 te hnenah Krismas thilpek Rs. 2000/- theuh pek a ni.
  7. Sainik Computer Training Centre: Sainik Computer Training Centre, Khatla hi April 01, 2003 khan hawn a ni a, affiliation hi MSCTE hnuaia a ni. Din a ni tirh a tangin Ex-servicemen leh an fate mi 327 ten Certificate in Computer Application an lo zir chhuak tawh a ni. Hripui boruak avang in nikum lam atang khan a kal mumal thei lo a, tunah hian zirlai 6 kan nei mek a ni.
  8. Grievances of Soldiers: Sipai bang te harsatna case hrang hrang (pension/family pension/publication etc) 250 chuang Record Office, Shillong leh Record Office hrang hrang leh Pension Disbursing Agency ah te thlen a ni a, an case tam zawk te hi chin fel ni tawh in pending case te pawh ngawrh taka umzui zel an ni.
  9. Ex-servicemen Contributory Health Scheme (ECHS): ECHS hi dam loh nikhua a sipai bang leh an chhungte in enkawlna tur healthcare scheme a ni a. He scheme hnuai ah hian sipai bang leh an chhung ten damloh nikhua in ECHS Polyclinic ah leh empanelled hospital ah te central sorkar in a rawn tum sak hmang in a thlawn in an in enkawl thei a ni. Kum 2019 atanga vawiin ni thleng hian mi 152 te ECHS Smart Card dilna hi Regional office, Guwahati ah thawn thlak sak a ni tawh a, a tam zawk ten ECHS Smart Card hi an dawng tawh bawk a ni.
  10. Gallantry Award: Operation Rakshak ah mizo sipai huaisen pahnih Sub K Laldingliana leh Hav Laltlanzova ten Sena Medal an dawng a, chawimawina dawng mi pahnih te hi lawmman Rs.3,00,000/- ve ve pek an ni.
  11. Assured Decent Last Rites Scheme (ADLRS): Sipai bang thi chhung te hnenah tanpuina Rs.10,000 pek thin a ni a, kum 2019 atanga vawiin thleng hian mi 152 te ADLRS hi Station HQ, Aizawl ah dil sak tawh a ni. ADLRS hi dilna thehluh atang thla khat chhungin pek thin a ni.

******